ისეთი შეგრძნება მაქვს, რომ გარესამყაროს მოწყვეტილი ვარ. ავადმყოფური სიმორცხვე და მორიდება ხელს მიშლის გარშემო მყოფებთან ურთიერთობაში. ცოტა ხნის წინ დედა გავხდი. ბავშვს მარტო ვზრდი. რა ხდება ჩემს თავს? თეა, 25 წლის

გქონიათ შინაგანი სიცარიელის, შფოთვის, მოუსვენრობის, დაუცველობის, საკუთარი თავის სიბრალულის განცდა? თუ გქონიათ, მაშინ თქვენთვის ნაცნობი იქნება მდგომარეობა, რომელსაც მარტოსულობას უწოდებენ. მარტოობას უჩივიან ახალგაზრდებიც და მოხუცებიც, ოჯახის პატრონებიც და მარტოხელებიც, პროფესიონალურად რეალიზებული ადამიანებიც და ისინიც, ვინც კარიერაში წარმატებას ვერ მიაღწია.